“საქართველოს ინტერესები აბაშიძე-კარასინის ანაბარა აღმოჩნდა,” – ეს განცხადება საპარლამენტო უმცირესობის წევრმა ლევან ბეჟაშვილმა გააკეთა.
ერთიანი ნაციონალური მოძრაობის წევრს მიაჩნია, რომ ხელისუფლებას არ გააჩნია გეგმა, რომლითაც ის დაუპირისპირდება საოკუპაციო ხაზის გადმოწევას.
“2 წლის განმავლობაში ე.წ. საზღვარი იწევს უკანონოდ. ხელისუფლების უნიათო და უპასუხისმგებლო დამოკიდებულება არის ამ პროცესების მიმართ. არცერთი საერთაშორისო ორგანიზაცია არ საუბრობს ამ პრობლემის შესახებ. პრაქტიკულად საქართველოს ინტერესები აბაშიძე-კარასინის ანაბარა აღმოჩნდა. ეს არის სავალალო მდგომარეობა,” – აცხადებს დეპუტატი ლევან ბეჟაშვილი.