საქართველოს ხვალ, აშშ-ის სახელმწიფო მდივნის თანაშემწე, ვიქტორია ნულანდი ეწვევა. ამის შესახებ ინფორმაციას ამერიკის შეერთებული შტატების სახელმწიფო დეპარტამენტის ოფიციალური ვებგვერდი ავრცელებს.
ნულანდი საქართველოს მთავრობის, ოპოზიციისა და სამოქალაქო საზოგადოების წარმომადგენლებს შეხვდება. შეხვედრები ორ ქვეყანას შორის თანამშრომლობისა და რეგიონულ საკითხებს მიეძღვნება.
ვიქტორია ნულანდი საქართველოს სამხრეთ კავკასიის ტურნეს ფარგლებში ესტუმრება. დღეს ის აზერბაიჯანში იმყოფება, თბილისის შემდეგ კი ერევანში გაემგზავრება
