სასამართლო დარბაზიდან პატიმრის გაქცევას პოლიტიკოსებიც ეხმაურებიან. ოპოზიციური პარტიების ლიდერები ამ ფაქტში ხელისუფლების უნიათობას ხედავენ.
“მე მაქვს განცდა, რომ ჩვენმა მთავრობამ საერთოდ შეწყვიტა ქვეყნის მართვა. ოლიგარქმა ივანიშვილმა და მისმა მდივანმა ბიჭმა, ღარიბაშვილმა, მოახერხეს ის, რომ მთლიანად მიზანმიმართულად მიწასთან გაასწორეს პოლიციის ავტორიტეტი და დღეს ჩვენ მივიღეთ ქვეყანა, სადაც ერთ დღეში ერთ პატიმარს შეუძლია, რომ ორჯერ გაიპაროს,” – აცხადებს “ნაციონალური მოძრაობის” წარმომადგენელი, ირმა ნადირაშვილი.
“თავისუფალ დემოკრატებს” კი მიაჩნიათ, რომ ხელისუფლებას, რომელსაც პატიმარი გაექცა, ის ქვეყნის უფრო სერიოზულ საფრთხეებს ვერ გაუმკლავდება.
