ყალბი სპეციალური საგადასახადო ანგარიშ-ფაქტურების დამზადება-გამოყენებისთვის კომპანია „სან პეტროლიუმ ჯორჯიას“ ორი თანამშრომელი – ზაზა ირემაშვილი და ჯიმშერ აბულაძე დააკავეს.
გამოძიებას ფინანსთა სამინისტროს საგამოძიებო სამსახური აწარმოებს. გამოძიებით დადგენილია, რომ 2012 წლის ოქტომბრის დასაწყისში ბრალდებულების ორგანიზებით განხორციელდა კომპანიაში არსებული 52 ტონა აღურიცხავი საწვავის, ყალბი ანგარიშ-ფაქტურების საფუძველზე ბაზებიდან სხვადასხვა ავტოგასამართ სადგურებზე ფიქტიურად გაწერა.
აღნიშნულ სისხლის სამართლის საქმეზე გრძელდება საგამოძიებო მოქმედებები, ასევე საბუღალტრო რევიზია ბიუჯეტთან ანგარიშსწორების კანონიერების დადგენის მიზნით.