ახალ ათონში, 1946 წელს საბჭოთა კავშირის ბელადის იოსებ სტალინის ინიციატივით სახელმწიფო აგარაკის აშენების შესახებ გადაწყვეტილება იქნა მიღებული. მასალები, რომელიც 1947-დან 1953 წლებში აგარაკის ფუნქციონირებას, ან მის მშენებლობას ეხება, ძალიან ცოტა შემორჩა. ამის ერთ-ერთ მიზეზთაგანი ის არის, რომ იმ პერიოდის პასუხისმგებელი პირები მშენებლობას საიდუმლოდ ინახავდნენ და სახელმწიფო მნიშვნელობის ინფორმაციის გასაჯაროვების უფლება არ ჰქონდათ. 1953 წლის 6 მარტს, თითქმის სტალინის სიკვდილისთანავე, აგარაკის ყველა მომსახურე პერსონალი თითო თითოდ დაიბარეს კადრების განყოფილებაში და სხვა სამსახური შესთავაზეს და ხელი მოაწერინეს დოკუმენტზე, რომელიც ასევე ინფორმაციის საიდუმლოდ შენახვას ეხებოდა. იმავე პერიოდში ოფიცერთა სრული შემადგენლობა, რომელიც აგარაკს ემსახურებოდა, დაშალეს.აგარაკი გერმანელმა სამხედრო ტყვეებმა 1947 წელს ააშენეს.