“მიხეილ სააკაშვილის წითელი ცირკულარით ძებნასთან დაკავშირებით ჩვენი შუამდგომლობის საფუძველზე გრძელდება განხილვა და ჯერჯერობით ინტერპოლიდან ჩვენ პასუხი არ მიგვიღია,”-ამის შესახებ მთავარი პროკურორის პირველმა მოადგილემ ირაკლი შოთაძემ განაცხადა.
ირაკლი შოთაძემ განცხადება ზურაბ ადეიშვილთან დაკავშირებითაც გააკეთა.
“ინტერპოლის აღმასრულებელმა კომიტეტმა მიიღო ახალი პოლიტიკა ლტოლვილის სტატუსის მქონე პირებთან დაკავშირებით, ერთ-ერთი ასეთი იყო ზურაბ ადეიშვილი, რომელიც ინტერპოლის გადაწყვეტილების შესაბამისად აკმაყოფილებდა ყველა ამ კრიტერიუმს,”-განაცხადა შოთაძემ.