საქართველოს იუსტიციის მინისტრი თეა წულუკიანი ამბობს, რომ მიხეილ სააკაშვილის საქართველოში ექსტრადაცია ვეღარ მოხდება. წულუკიანის განცხადებით ექსტრადირების შანსი მას შემდეგ ამოიწურა რაც საქართველოს ყოფილმა პრეზიდენტმა უკრაინის მოქალაქეობა მიიღო.
დღეს თეა წულუკიანმა ის სამართლებრივი გზები განმარტა თუ როგორ მოხდება მიხეილ სააკაშვილისათვის საქართველოს მოქალაქეობის გაუქმება.
“ჩვენ უნდა გამოვითხოვოთ ავთენტური დამოწმებული ასლი პრეზიდენტ პოროშენკოს აქტის, რის საფუძველზეც დაიწყება მოქალაქეობის შეწყვეტის პროცედურა, რადგან ფორმალურად საააკაშვილი საქართველოს მოქალაქეა, თუმა მას მოქალაქეობა უკვე აღარ ეკუთვნის. სააკაშვილის ოდესაში გადაყვანა ნიშნავს იმას, რომ ის მოარიდეს კიევს. რაკი სააკაშვილმა უკრაინის მოქალაქეობა მიიღო სამართლებრივად მისი საქართველოში ექსტრადირების შანსი მთლიანად ამოწურულია,”- აცხადებს თეა წულუკიანი.
