რუსთავის მოსახლეობის ნაწილს დღეს წყალმომარაგება შეეზღუდება. როგორც “თაიმერს” კომპანია ,,რუსთავის წყალიდან” აცნობეს, წყალმომარაგების შეზღუდვის მიზეზი, ქალაქის მარცხენა სანაპიროზე, კოსტავას გამზირზე წყალსადენის ქსელზე დაგეგმილი სარეაბილიტაციო სამუშაოებია.
კომპანიის ინფორმაციით, დღეს წყალმომარაგება რამდენიმე საათით ქალაქის მარცხენა სანაპიროს ტერიტორიაზე ე.წ. ძველი რუსთავის მოსახლეობას და წარმოება-დაწესებულებებს 10.00 საათიდან 18.00 საათამდე შეუწყდება.