რუმინეთი-საქართველო 6:15 – საქართველოს ნაკრებმა რაგბში ევროპის ჩემპიონატი გამარჯვებით დაასრულა.
ქართველმა მორაგბეებმა 2015 წლის სეზონში ყველა შეხვედრა მოიგეს. რუმინეთის დამარცხებით ამ ნაკრებების დაპირისპირებაში ტრადიციული, ანთიმოზ ივერიელის თასიც გათამაშდა, რომელიც ზედიზედ მეხუთედ საქართველოში გამოემგზავრება.
მატჩის საუკეთესო მოთამაშე კი მერაბ კვირიკაშვილი იყო, რომელმაც საჯარიმო დარტყმები 100% შედეგით შეასრულა და რაგბში ევროპის ჩემპიონატის საუკეთესო ბომბარდირთა სამეულშია.
