წყალტუბოში მდებარე პრომეთეს მღვიმეში მყვინთავებმა ახალი დერეფანი და წყლით სავსე დარბაზი აღმოაჩინეს
აღმოჩენა მღვიმის სანაოსნო მონაკვეთის ახალი სიფონების კვლევის ფარგლებში მოხდა.
პრომეთეს მღვიმეში დღეს გარემოს დაცვის მინისტრი ელგუჯა ხოკრიშვილი და დაცული ტერიტორიების სააგენტოს თავმჯდომარე გიორგი შოვნაძე იმყოფებოდნენ.
მინისტრის განცხადებით, წყალტუბოს მღვიმური ჰიდროსისტემის კვლევის შედეგად სანაოსნო ტურისტული მარშრუტი შეიქმნება, რომელიც ცალკეულ მღვიმეს გააერთიანებს. ხოლო აღმოჩენილ მონაკვეთზე ტურისტული ინფრასტრუქტურის მოწყობის შემდეგ, იმერეთის მღვიმეებში ვიზიტორთა რიცხვი გაიზრდება.
