ევროპის ახალგაზრდული ოლიმპიური ფესტივალის გახსნის ცერემონიისთვის მიხეილ მესხის სახელობის სტადიონზე რეპეტიცია მიმდინარეობს.
სამზადისი ოლიმპიური ცეცხლის დანთების, სპორტსმენების აღლუმის, ფიცის მიღების, სიტყვით მიმართვის და ევროპული და ქართული ისტორიულ-ტრადიციული ელემენტებით მხატვრული შოუს თემებზე მიმდინარეობს.
სტადიონზე მონტაჟდება სცენა და შესაბამისი დეკორაციები. ფესტივალის გახსნის სამზადისს დღეს საქართველოს პრემიერ-მინისტრი ირაკლი ღარიბაშვილი გაეცნო.
განხორციელებული სამუშაოების შესახებ ინფორმაცია, მთავრობის მეთაურს, თბილისის მერმა დავით ნარმანიამ, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და „თბილისი 2015“-ის საორგანიზაციო კომიტეტის ხელმძღვანელმა ალექსი ახვლედიანმა მიაწოდეს.
ევროპის ახალგაზრდული ოლიმპიური ფესტივალის გახსნის ცერემონია მიხეილ მესხის სახელობის სტადიონზე 26 ივლისს გაიმართება.
