NDI-ის კვლევების თანახმად, პრემიერ-მინისტრ ირაკლი ღარიბაშვილის საქმიანობას პოსტზე გამოკითხულთა 2% ძალიან კარგად, 14% კი კარგად აფასებს.
კვლევების თანახმად, გამოკითხულთა 52% პრემიერის საქმიანობას საშუალოდ, 16% -ცუდად, 5% კი ძალიან ცუდად აფასებს.
როგორც NDI-ის საქართველოს ოფისის ხელმძღვანელმა ლორა თორნტონმა აღნიშნა, პოლიტიკოსების საქმიანობის შეფასებაში საკმაოდ მაღალი მაჩვენებელი ფიქსირდება პასუხზე „არ ვიცი“, რაც პრემიერ-მინისტრის შემთხვევაში 9%-ია. უმცირესობათა დასახლებაში კი აღნიშნული მაშვენებელი 32% აღწევს.
NDI-ის გამოკითხვა 2015 წლის 27 მარტი – 19 აპრილის პერიოდში ჩატარდა. გამოიკითხა 4 360 ადამიანი. კვლევების საშუალო ცდომილების ზღვარი +/- 2.3%. კვლევა მოიცავს შემდეგ თემებს: ეროვნული საკითხები, ეკონომიკა, ქვეყნის მიმართულება, დემოკრატია და მმართველობა, პარლამენტი, საგარეო ურთიერთობები და მედია.