პანკისის ხეობიდან სკოლის ორი მოსწავლის სირიაში გამგზავრების საკითხთან დაკავშირებით მოკვლევა დასრულებულია, რომლის შედეგებიც უახლოეს დღეებში გახდება ცნობილი.
როგორც შს მინისტრის მოადგილემ ლევან იზორიამ პარლამენტის პლენარულ სხდომაზე განაცხადა, მოკვლევა დასრულებულია და მისი შედეგები საზოგადოებისთვის სულ რამდენიმე დღეში გახდება ცნობილი.
პარლამენტი, პირველი მოსმენით, “სისხლის სამართლის კოდექსში” დაგეგმილ ცვლილებებს იხილავს, რომლის თანახმად, უცხო ქვეყნის ტერიტორიაზე უკანონო ფორმირებებში გაერთიანება სისხლის სამართლის წესით დასჯადი იქნება.
