ბილისში, 9 აპრილის ბაღში, მსახიობ ოთარ მეღვინეთუხუცესის ძეგლის დაზიანების ფაქტზე შინაგან საქმეთა სამინისტრომ გამოძიება დაიწყო.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 187-ე მუხლითაა დაწყებული, რაც ნივთის დაზიანებას ან განადგურებას გულისხმობს.
შეგახსენებთ, რომ თბილისში, 9 აპრილის ბაღში, მსახიობ ოთარ მეღვინეთუხუცესის ძეგლი დააზიანეს. კვარცხლბეკზე გაკეთებული წარწერა – “ოთარ მეღვინეთუხუცესი” მთლიანად არის მოგლეჯილი. ძეგლი გუშინ სავარაუდოდ გვიან ღამით დააზიანეს.
როგორც თბილსიის მერიის უსაფრთხოების სამსახურის უფროსმა ვალერი პაპიაშვილმა განაცხადა, დედაქალაქის მერია ოთარ მეღვინეთუხუცესის ძეგლის დაზიანებულ ნაწილს უმოკლეს ვადაში აღადგენს.