ნოდარ ხადური: “ქამრების შემოჭერის” პოლიტიკა საჯარო მოხელეების ხელფასების შემცირებას არ გულისხმობს

სავლუტო ფონდი

საქართველოს ფინანსთა მინისტრის, ნოდარ ხადურის მტკიცებით, “ქამრების შემოჭერის” პოლიტიკის ფარგლებში საჯარო მოხელეებისთვის ხელფასების შემცირება არ მოხდება.
როგორც ხადურმა მთავრობის დღევანდელი სხდომის შემდეგ ჟურნალისტებს განუცხადა, ადმინისტრაციული ხარჯების შემცირება არც საჯარო დაწესებულებებში შტატების შემცირებას გულისხმობს.
“ადმინისტრაციული ხარჯების შემცირება არ გულისხმობს არც შტატების შემცირებას და არც საჯარო მოხელეებისთვის ხელფასის შემცირებას. სხვა უამრავი ადმინისტრაციული ხარჯიც არსებობს, რომელთა შემცირებას შესაძლებელია”, – განაცხადა ხადურმა.
რაც შეეხება ეკონომიკური ზრდის პროგნოზის შემცირების თაობაზე მთავრობის გადაწყვეტილებას, ფინანსთა მინისტრის განმარტებით, პროგნოზის დაზუსტებაზე მუშაობა მიმდინარეობს.
“პოგნოზის დაზუსტებაზე ვმუშაობთ. ბიუჯეტში ცვლილებები იქნება იმის მიხედვით, თუ როგორ შევთანხმდებით ეკონომიკის სამინისტროსა და ეროვნულ ბანკთან და რა პროცესები წავა საქართველოში”, – აღნიშნა ფინანსთა მინისტრმა.
ვიცე პრემიერმა, ეკონომიკისა და მდგრადი განვითარების მინისტრმა, გიორგი კვირიკაშვილმა გუშინ განაცხადა, რომ საქართველოს ადმინისტრაციული ხარჯების 12 პროცენტით შემცირებას აპირებს.

banner
წინა სტატიაში“შრომის ინსპექცია არ ნიშნავს, რომ მყისიერად სადამსჯელო რაზმები გაემართებიან საწარმოებში”
შემდეგი სტატია17 წლის ახალგაზრდა სოციალური ქსელის მომხმარებლებს თანხებს სძალავდა