ბორის ნემცოვის სამოქალაქო პანაშვიდი სამშაბათს, 3 მარტს, მოსკოვში სახაროვის ცენტრში გაიმართება. ამის შესახებ “ინტერფაქსს” რესპუბლიკური პარტიის წარმომადგენელმა , კონსტანტინ მერზლიკინმა განუცხადა. პანაშვიდი ადგილობრივი დროით დილის 10:00 საათზე დაიწყება და 14:00 საათამდე გასტანს ამის შემდეგ კი მისი დაკრძალვის ცერემონია გაიმართება. გუშინ ღამით მოკლულ რუს ოპოზიციონერს მოსკოვში, ტროეკუროვსკოეს სასაფლაოზე დაკრძალავენ.
