წუხელ გვაინ ღამით „ნაციონალური მოძრაობის“ ზუგდიდის ოფისი დაარბიეს. დღეს დილით ოფისში მისულ პარტიის წევრებს შუშები ჩამსხვრეული დახვდათ. ოფისის წინ კი უცნობმა პირებმა საღებავებით წარწერა სახელწოდებით „ნაციონალური მოძრაობა“ აიკრძალოს“ დატოვეს.
ოპოზიციაში მომხდარს ხელისუფლებას აბრალებენ და აცხადებენ, რომ დარბევაში საჯარო მოხელეებიც მონაწილეობდნენ. ადგილზე ამ დრომდე სამართალდამცველები მუშაობენ. პარტიის ზუგდიდის ორგანიზაციის წევრებმა სათვალთვალო კამერით გადაღებული ვიდეომასალაც გაავრცელეს.