„ნაციონალური მოძრაობის“ ზუგდიდის ოფისის მსგავსად დაარბიეს პარტიის ყველა რაიონული და საქალაქო ოფისი სამეგრელოში. პარტიის წევრებს დღეს დილით ოფისის კედლებსა და ფანჯრებზე ნასროლი საღებავები და სხვადასხვა შინაარსის წარწერები დახვდათ.
საღებავი შეასხურეს ხობის ოფისის ფანჯარაზე გადაკიდებულ ხუთჯვრიან დროშასაც. ყველა ფაქტზე სამართალდამცველები მუშაობენ. „ნაციონალური მოძრაობის“ რაიონული ოფისები ობიექტურ გამოძიებას ითხოვენ.