საქართველოში, უკვე თითქმის წესად იქცა სამანქანო თუ ფეხით მოსიარულეთა მოძრაობის წესების სრული უგულებელყოფა, რაც თავისთავად, სრულ საგზაო ქაოსს იწვევს. ცხადია, პრობლემა ცალკე იმ სტრუქტურების გულგრილობითაა გამოწვეული, რომელთაც წესების დადგენა ევალებათ, ცალკე იმათი, ვინც წესები უნდა აასრულოს და ცალკეც იმათი, ვინც უნდა გააკონტროლოს მოწესრიგებული მოძრაობა ან მათი ხელისშემშლელი ფაქტორები.
ჟურნალისთი ნატო ბერულავა “ფეისბუქის” საკუთარ გვერდზე ფოტომასლას აქვეყნებს, რომელიც ზუგდიდის ტროტუარების ყოველდღიურ სურათს აღბეჭდავს.
ნატო ბერულავა:ზუგდიდში პარკირება პრობლემაა! ფეხით მოსიარულეთა გადასასვლელი-პრობლემა. ამას დაემატა ტროტუარიც! ეს ფოტოები დღეს გადავიღე ზუგდიდის ცენტრში. ტროტუარი გადავსებულია მანქანებით. ამას როდის ეშველება!!!!!!!!!!
