მოსკოვის ერთ-ერთ გასართობ ცენტრში მთავარი სამძებრო- სამმართველოს ოპერატიულმა თანამშრომლებმა სპეცრაზმის დახმარებით კრიმინალური ავტორიტეტები დააკავეს – ამის შესახებ ინფორმაციას რუსეთის შს სამინისტრო ავრცელებს.
“დაკავებულთა შორის სამი ე.წ. “კანონიერი ქურდია””, მათ შორის ტკაჩი, ნოდარი და კუსო, ასევე ოთხი დანაშაულებრივი ჯგუფის ლიდერია, რომლებიც ალტაის მხარეში ცხოვრობენ – ნათქვამია განცხადებაში.
პოლიციის მონაცემებით, შეკრების მონაწილეებს ალტაიში გავლენის სფეროები უნდა გადაენაწილებინათ. ახლა მათი შემოწმება მიმდინარეობს კონკრეტულ დანაშაულებებთან მიმართებაში.
შეგახსენებთ, რომ 8 ივნისს რუსეთის შს სამინისტრომ ასევე დააკავა კრიმინალური ავტორიტეტი გურამ ტაშკენტელი, 10 ივნისს კი დედაქალაქის პოლიციამ ე.ქ. “ქურდების შეკრებაზე” მარატ და ირაკლი სუხუმსკები დაიჭირა.