დიდი ხანია მიდის საუბარი იმაზე, რომ საქართველოს ექსპრეზიდენტი მიხეილ სააკაშვილი უკრაინის ანტიკორუფციული საბჭოს ხელმძღვანელად ინიშნებოდა, თუმცა თავად სააკაშვილმა რამდენჯერმე განაცხადა, რომ ის ქართველი პოლიტიკოსია და არ აპირებს სხვა ქვეყნის მოქალაქეობის მიღებას, რაც უკრაინაში თანამდებობის დასაკავებლად აუცილებელია… თუმცა წუხელ სრულიად განსხვავებული აზრი დააფიქსირა. მიხეილ სააკაშვილმა წუხელ უკრაინული ტელეარხის ეთერში განაცხადა, რომ ის მზადაა დაეხმაროს უკრაინას კორუფციის დაძლევაში.
,,მე ქართველი პოლიტიკოსი ვარ, მაგრამ მზად ვარ მივატოვო პოლიტიკა და დავკავდე სრულიად აპოლიტიკური საქმით, რასაც უკრაინაში კორუფციის დამარცხება ჰქვია. რადგან უკრაინული რეფორფორმების წარმატებაზეა დამოკიდებუ როგორც უკრაინის ასევე საქართველოს გადარჩენა,, განაცხადა სააკაშვილმა. მან ასევე გააკრიტიკა უკრაინაში არსებული ბიუროკრატიულ-კორუფციული სახელმწიფო სისტემა.
,,მიუხედავად ომისა, ახლა კარგი დროა რეფორმებისთვის,, განაცხადა სააკაშვილმა, რომელიც საბოლოო გადაწყვეტილებას, გახდება თუ არა უკრაინის ანტიკორუფციული საბჭოს წევრი, ღამე პოროშენკოსთან შეხვედრის შემდეგ მიიღებს.
