დეპუტატების კენჭისყრისთვის საჭირო რაოდენობა დღეს პარლამენტში ვერ შეგროვდა. რის გამოც სხდომა ჩაიშალა.
სხდომის ჩაშლას ოპოზიცია მმართველ გუნდს აბრალებს. ნაციონალური მოძრაობის დეპუტატებს არ სჯერათ, რომ უმრავლესობიდან დეპუტატებმა ქუთაისში ჩასვლა EBRD-ის ღონისძიების გამო ვერ მოახერხეს.
“მაგალითად სოსო ჯაჭვლიანი, ისიც EBRD-ის ღონისძიებაზეა? ეს ხომ წარმოუდგენელია. მემგონი მათ ავიწყდებათ თავიანთი მოვალეობა, ისინი უნდა გამოცხადდნენ საპარალამენტო სხდომაზე” – აცხადებს ეკა ხერხეულიძე.
თავისუფალი დემოკრატების შეფასებით კი კოალიციას არ აქვს მუშაობის სურვილი.
სხდომის ჩასატარებლად 76 დეპუტატების დასწრებაა საჭირო. დღეს პარლამენტში კვორუმი მთელი დღის განმავლობაში ვერ შეიკრიბა. სხდომა პარასკევს ჩატარდება.