ლაშა მახარაძის მკვლელობაში ბრალდებული გიორგი ოქროპირიძე სასამართლომ პატიმრობაში დატოვა. ოქროპირიძის ადვოკატის შუამდგომლობა მოსამართლემ არ დააკმაყოფილა.
მოსამართლის განცხადებით არსებობს საფრთხე, რომ გიორგი ოქროპირიძე მიიმალოს. მისივე განცხადებით არ არსებობს სამედიცინო დასკვნა სადაც იქნება დაწერილი, რომ ოქროპირიძეს სასწრაფო და გადაუდებელი ოპერაცია ესაჭიროება.
მოსამართლემ სასჯელაღსრულების სამინისტროსაც მიმართა და მოუწოდა მათ, რომ მოხდეს სასამართლოს გადაწყვეტილების აღსრულება და გიორგი ოქროპირიძეს საპატიმროდან დარეკვის უფლება მისცენ.
გიორგი ოქროპირიძე ამჟამად წინასწარ პატიმრობაში ცრუ დასმენისთვის იმყოფება. ადვოკატების შეფასებით, ის უკანონო პატიმარია, რადგან უკვე 13 თვეა წინასწარ პატიმრობაშია.