ლაგოდეხის რაიონის სოფელ თამარიანში ავტოსაგზაო შემთხვევას მცირეწლოვანი ბავშვის სიცოცხლე ემსხვერპლა. არსებული ინფორმაციით, ბავშვი როლიკებით სეირნობდა, რა დროსაც მას მსუბუქი მარკის ავტომობილი დაეჯახა.
ავარიის და ბავშვის გარდაცვალების ფაქტი “თაიმერს” შინაგან საქმეთა სამინისტროს პრესსამსახურში დაუდასტურეს. როგორც უწყებაში განმარტავენ, მომხდარზე გამოძიება 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.