კურსის დამატებით მერყეობას არ ველოდებით–არჩილ მესტვირიშვილი

არჩილ მესტვირიშვილ

არჩილ მესტვირიშვილ“ჩვენი ინფორმაციით, ეკონომიკაში არსებულმა შოკებმა და მოლოდინებმა უკვე მოახდინა ზეგავლენა ეროვნული ვალუტაზე და ლარის კურსზე მოქმედი სავალუტო შემოდინებების დანაკლისი უკვე ასახულია იმპორტის დინამიკაში. რაც ნიშნავს იმას, რომ, სხვა თანაბარ პირობებში, ჩვენ კურსის დამატებით მერყეობას არ ველოდებით. რეგიონის მიმდინარე გეოპოლიტიკური პრობლემები, ბუნებრივია, საქართველოზეც ახდენს გავლენას, თუმცა უკვე არსებული და დღეისათვის ცნობილი შესაძლო შოკები უკვე არის ასახული არსებულ კურსში. ამჟამად კურსზე ზედმეტი ზეწოლის ერთ-ერთი მთავარი ფაქტორი შემოდგომით გაუფასურებასთან დაკავშირებული ნეგატიური მოლოდინია, თუმცა, როგორც უკვე აღვნიშნეთ, სხვა თანაბარ პირობებში, შემოდგომაზე ბაზრის დღევანდელ ქცევას საპირისპირო ეფექტი ექნება, რაც კურსის გამყარებას შეუწყობს ხელს”, – განაცხადა საქართველოს ეროვნული ბანკის ვიცე პრეზიდენტმა არჩილ მესტვირიშვილმა.
“ჩვენ გვაქვს კომუნიკაცია მთავრობასთან და ეროვნული ბანკის პოლიტიკასთან და ინსტრუმენტებთან დაკავშირებით კითხვები ამოწურულია. რაც შეეხება ფისკალურ პოლიტიკას, წლის განმავლობაში ბიუჯეტის ხარჯვა დაბალანსებულად მიმდინარეობს და წლის დარჩენილ პერიოდში კურსზე ნეგატიურ ზეგავლენას, არც ამ კუთხით არ ველოდებით”, – განაცხადა არჩილ მესტვირიშვილმა.

banner
წინა სტატიაშიმეცნიერები გრიპის ერთიანი ვაქცინის შექმნას გვპირდებიან
შემდეგი სტატიაგერმანიაში სამკურნალოდ წაყვანილი ბავშვი გარდაიცვალა, ცხედარს კი ვერ პოულობენ