ქართული ეროვნული მოძრაობის ერთერთი ლიდერი ირაკლი წერეთელი ,,თაიმერთან,, საუბარში, ამერიკაში მცხოვრები ინდიანას უნივერსიტეტის პროფესორის, ქალბატონ დოდონა კიზიარ მიერ, გუშინ სოციალურ ქსელში მისი და ირინა სარიშვილის მიმართ გაკეთებულ პოლლიტიკურ შეფასებებზე, მხოლოდ მოკლე კომენტარით შემოიფარგლა…
,,თავხედ და ენაგატლეკილ დედკაცებს, მით უფრო რუსეთის მიერ ამერიკში ჩანერგილ აგენტებს, არ ვპასუხობ… უფრო სწორად უმნიშვნელო წერტილებთან საკამათოდ არ მცალია. საქართველოში ყველაზე ადრე ვიქადაგე სწორუპოვარი სტრატეგიული იდეები და მე თუ შეზღუდული აზროვნება მაქვს, საინტერესოა მაშინ ამ ქვეყნად ვინ არის გონებაგახსნილი?,, განუცხადა ირაკლი წერეთელმა ,,თაიმერს,,
შეგახსენებთ, რომ დოდონა კიზირიამ, გუშინ 17 მაისს, სოციალური ქსელ ,,ფეისბუქით,, ირაკლი წერეთლისა და ირინა სარიშვილის პოლიტიკური მიზნების მისეული შეფასება გააკეთა და ნაციონალური მოძრაობა მათთან თანამშრომლობის მოსალოდნელ შედეგებზე გააფრთხილა…
,,ირაკლი საკმაოდ ადვილად გასაშიფრი პიროვნებაა, ვინაიდან მისი პოლიტიკური აზროვნების უნარი საკმაოდ შეზღუდულია. მისი მიზანია ყურადღების ცენტრში თუ არა, მის სფეროში მაინც იყვეს და ამიტომ ყოველვის დადგება იქ, სადაც ფიქრობს მეტ პატივისცემას დაიმსახურებს. იგი არავითარ საშიშროებას არ წარმოადგენს ნაციონალური მოძრაობისთვის, ფაქტიურად, მის მიზანს ემსახურება და დღეს მისი მხარდაჭერა საჭიროც და აუცილებელიც არის. თუ ან როდესაც იგი ამ მოძრაობას უღალატებს, ეს ყველასთვის მაშინვე გასაგები გახდება და მისი ამგვარი სავარაუდო „ღალატი“ დიდი დანაკლისი არ იქნება. თავისთავად მას არ ძალუძს რომელიმე სხვა პარტიის ან ოპოზიციის რიგებში ჩადგომის გარეშე მიმდევართა დიდი რაოდენობა ჰყავდეს.