საქართველოს პრემიერ-მინისტრი, ირაკლი ღარიბაშვილი საქართველოს პრეზიდენტს, გიორგი მარგველაშვილს შუამდგომლობით მიმართავს.
როგორც ირაკლი ღარიბაშვილმა მთავრობის ადმინისტრაციაში, საგანგებო შტაბის სხდომაზე განაცხადა, ის გამოდის ინიციატივით, გამორჩეული მაშველები, პოლიციელები თუ სხვა თანამშრომლები, ასევე მოხალისეები, რომლებმაც განსაკუთრებული გმირობა გამოიჩინეს თბილისში ბოლო დღეებში განვითარებული მოვლენების დროს, სპეციალური სახელმწიფო ჯილდოებით დაჯილდოვდნენ.
“მივმართავ პრეზიდეტს შუამდგომლობით, მას შემდეგ, რაც ამ ადამიანების სიას წარმომიდგენთ”, – მიმართა ღარიბაშვილმა ანტიკრიზისული საბჭოს წევრებს.
