„თავისუფალი დემოკრატების“ ლიდერმა ირაკლი ალასანია, გიგი უგულავას გუშინდელი სასამართლო პროცესი შეაფასა.
ალასანიას თქმით, დღეს ქვეყანაში სასამართლოს ნდობა შერყეულია.
„გუშინდელი სასამართლო იყო დრამა, რომელიც განვითარდა. სამწუხაროა, რომ ამ ქვეყანაში სამართალს ვერავინ პოულობს. სასამართლოს ნდობა შერყეულია. პროკურატურა დღეს არის კოლაფსში და პროკურატურის ბრალია ის, თუ რა დღეში აღმოჩნდა ჩვენი სამართალდამცავი სისტემა. ამას ერთადერთი შველა აქვს – ეს უუნარო ხელისუფლება უნდა წავიდეს“,- განაცხადა ოზურგეთში პარტიის ოფისის გახსნისას ირაკლი ალასანიამ.
