ნატო-ს გენერალურმა მდივანმა იენს სტოლტენბერგმა რუსეთს მოუწოდა, “ტერორისტულ ორგანიზაცია “ისლამური სახელმწიფოს” წინააღმდეგ ბრძოლაში კონსტრუქციული როლი ითამაშოს”.
როგორც რუსული სააგენტო “ტასი” იტყობინება, ამის შესახებ სააგენტოს ნატო-ს პრესსამსახურში განუცხადეს. იენს სტოლტენბერგმა ასევე განაცხადა, რომ სირიის პრეზიდენტის, ბაშარ ალ-ასადის მხარდაჭერისკენ მიმართული მოსკოვის ქმედებები “არაკონსტრუქციულია”. “ასადი პრობლემის ნაწილია”, – განაცხადეს ალიანსის პრესსამსახურში.