იარაღის შეძენის მსურველებს 1-ლი ნოემბრიდან გამოცდების ჩაბარება მოუწევთ. საგამოცდო ტესტი 20 კითხვისგან შედგება და გამოცდა ჩაბარებულად, 18 სწორი პასუხის შემთხვევაში ჩაითვლება.
გამოცდის ჩაბარება მსურველებს შინაგან საქმეთა სამინისტროს მომსახურების სააგენტოს ყველა განყოფილებაში შეეძლებათ. ტესტირება არ ეხებათ იმ მოქალაქეებს, რომელთაც რეგისტრაცია 1 ნოემბრამდე აქვთ გავლილი.
გამოცდა ფასიანია და ბილეთების ნახვა სააგენტოს ვებგვერდზე იქნება შესაძლებელი.
