უკრაინაში ჩატარებული ადგილობრივი თვითმმართველობისა და მერის არჩევნების პირველადი შედეგები ცნობილია. წინასწარი მონაცემებით, არჩევნებში კიევის მოქმედი მერი ვიტალი კლიჩკო ხმების 38,4%-ით ლიდერობს. მეორე ადგილზე 8,7%-ით პარტია “თვითდახმარების” კანდიდატი, გუსოვსკია. თუკი ეგზიტპოლების შედეგები საბოლოო აღმოჩნდება და კლიჩკო 50%-იან ბარიერს ვერ გადალახავს, კიევში არჩევნების მეორე ტური დაინიშნება.
მეორე ტური სავარაუდოდ, ქალაქ ლვოვში, დნეპროპეტროვსკსა და ოდესაშიც ჩატარდება. სოციოლოგების ინფორმაციით, ოდესის მერის პოსტზე, 47,6%-ით მოქმედი მერი გენადი ტრუხანოვი ლიდერობს. მეორე ადგილზე პეტრო პოროშენკოს ბლოკის, “სოლიდარობის” კანდიდატია 30,8%-ით.ქალაქ ლვოვის მერის არჩევნებში 48,6%-ით პარტია “თვითდახმარების” კანდიდატი ანდრეი სადოვოი ლიდერობს, ქალაქ დნეპროპეტროვსკში კი – “ოპოზიციური ბლოკის” კანდიდატი ალექსანდრ ვილკული 37,2%-ით. ადგილობრივი თვითმმართველობის არჩევნები უკრაინაში გუშინ ჩატარდა. ხმის მიცემის პროცედურა არ ჩატარებულა დონეცკისა და ლუგანსკის ოლქებში.
