„ნაციონალური მოძრაობის“, „თავისუფლებისა და მხარდაჭერის ცენტრისა“ და „თავისუფალი ზონის“ წევრებმა ზუგდიდის გამგეობასთან აქცია-მსვლელობა მოაწყეს. აქციის მონაწილეების განცხადებით, აღნიშნული აქციით ოპონენტებისთვის სურდათ, ეჩვენებინათ, როგორ შეიძლება მიტინგი მშვიდობიანად, ექსცესების და დაპირისპირებების გარეშე ჩატარდეს. გარდა ამისა, მომიტინგეებმა ზუგდიდელებს 21 მარტს თბილისში დაგეგმილ აქციაზე მისვლისკენ მოუწოდეს. დღევანდელ მსვლელობას საპარლამენტო უმცირესობის წევრებიც შეუერთდნენ.
