ვაზიანის სამხედრო ბაზაზე შეიარაღებული ძალების პირველი მსუბუქი ქვეითი ბრიგადის მე-12 ბატალიონის „ალფა“ ასეული ერთთვიან საველე მომზადებას გადის.
დანაყოფის საბრძოლო მზადყოფნას და მომზადების დონეს ჩრდილოატლანტიკური ალიანსის წარმომადგენლები შეამოწმებენ. ეს დანაყოფი ნატოს სწრაფი რეაგირების ძალებში უნდა ჩაერთოს.
116 სამხედრო მოსამსახურე საერთო საჯარისო ტაქტიკის მიხედვით მოემზადება.