“ეს განცხადებები ზუსტად ემთხვევა იმას, რასაც ხელისუფლება ამბობს”, – ასე ეხმაურება უმრავლესობა ვაშინგტონის პოზიციას რუსთავი 2-თან დაკავშირებით.
ეკა ბესელიას თქმით, ტელევიზიის დახურვას არავინ დაუშვებს, მესაკუთრეთა სამართლებრივ დავაში კი ხელისუფლება არ ერევა.
ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარე განმარტავს, რომ ტელევიზიის დამოუკიდებლობა და ჟურნალისტებს უნდა ქონდეთ მშვიდ და კარგ პირობებში მუშაობის შესაძლებლობა – ეს ყველაფერი უზრუნველყოფილი იქნება.
შეერთებული შტატების სახელმწიფო დეპარტამენტში აცხადებენ, რომ საქართველოში წამყვანი ტელეარხის დახურვა, ან პოტენციური დახურვა ვაშინგტონისთვის შეშფოთების საბაბია და ეს მნიშვნელოვნად შეავიწროვებს მედია სივრცეს ქვეყანაში.
