“ეს არის უმძიმესი დანაშაული,”- ასე ეხმაურებიან თავისუფალი დემოკრატები გუშინ თბილისში პოლიციაზე მომხდარი თავდასხმის ფაქტს. ირაკლი ალასანიას თანაგუნდელები გარდაცვლილი პოლიციელის ოჯახის წევრებს სამძიმარს უცხადებენ.
“ვუსამძიმრებთ გარდაცვლილის ოჯახს. ახლა ყველაზე მეტად მოკლული და დაჭრილი პოლიციელების ოჯახებს სჭირდებათ მხარდაჭერა. სოლიდარობა უნდა გამოვუცხადოთ პოლიციელებს, რომელთა კოლეგებსაც გუშინ თავს დაესხნენ. ეს უმძიმესი დანაშაულია, კანონის მთელი სიმკაცრით უნდა დასაჯონ მკვლელი,”- აცხადებს ზურაბ აბაშიძე.