დუშეთის რაიონში ელექტროენერგიის მიწოდება აღდგენილია.
განცხადება ამის შესახებ “ენერგო-პრო ჯორჯიას” საზოგადოებასთან ურთიერთობის სამსახურის ხელმძღვანელმა, ავთანდილ დვალიშვილმა, გააკეთა.
მისი თქმით, გათიშული იყო 2 სოფელი და დაბა ფასანაური.
დვალიშვილმა განაცხადა, რომ გათიშვები იყო იმერეთის რაიონში, ლენტეხსა და ცაგერში. თუმცა, დენის მიწოდება ყველგან აღდგენილია.
როგორც “ენერგო-პრო ჯორჯიას” საზოგადოებასთან ურთიერთობის სამსახურის ხელმძღვანელმა განმარტა, ამ ეტაპზე ელექტროენერგიის გარეშე ნინოწმინდის მცირე ნაწილია დარჩენილი.
