ბრიტანელმა მომღერალმა, ელტონ ჯონმა თქვა, რომ შიდსის დამარცხებას შესაძლოა თავის სიცოცხლეშიც მოესწროს, თუკი აშშ ვირუსთან ბრძოლის დაფინანსებას გააგრძელებს.
„შიდსის ეპიდემია არ დასრულებულა და ამერიკის ლიდერობა აქ უკიდურესად მნიშვნელოვანია“ – განაცხადა მუსიკოსმა აშშ-ს სენატში გამოსვლისას.
ელტონ ჯონის სიტყვებით, ამერიკის სენატი უძლიერესი საკანონმდებლო ორგანოა მსოფლიოში და მის ხელშია შიდსის ეპიდემიის დასრულების შესაძლებლობაც.
ბიბისისთან ინტერვიუში მუსიკოსმა განაცხადა, რომ შიდსის წინააღმდეგ ბრძოლას აშშ-ს ბიუჯეტის 1% სჭირდება.
შიდსთან ბრძოლის პროგრამა აშშ-ში 2003 წლიდან არის დაწყებული და ბარაკ ობამას დროს გაძლიერებული.
