ეკვადორში ვულკან კოტოპახის გააქტიურების გამო საგანგებო სიტუაცია გამოაცხადეს. ვულკანი ქვეყნის დედაქალაქიდან, კიტოდან 60 კილომეტრში მდებარეობს.
პრეზიდენტ რაფაელ კორრეას სიტყვებით, უკვე ევაკუირებულია ასობით ადამიანი, რომლებიც ვულკანის კრატერთან ცხოვრობენ.
გაღვიძება გუშინ დაიწყო – ვულკანმა ფერფლი დაახლოებით ათას მეტრზე ამოისროლა.
“ასოშეითედ პრესის” მონაცემებით, კოტოპახი, რომლის სიმაღლე 5987 მეტრია, ერთ-ერთ ყველაზე საშიშ ვულკანად ითვლება პლანეტაზე.
მისი უკანასკნელი ამოფრქვევა 1877 წელს მოხდა.
ეკვადორში სულ 8 მოქმედი ვულკანია.
