ევროპის ახალგაზრდული ოლიმპიური ფესტივალი თბილისი 2015 რამდენიმე წუთის წინ სიმბოლურად 20:15 წუთზე გაიხსნა.
რამდენიმე წუთში მიხეილ მესხის ლოკომოტივის სტადიონზე საბერძნეთიდან ჩამოტანილ ოლიმპიურ ცეცხლს შეიტანენ.
ცეცხლი თავისუფლების მოედნიდან მოქმედმა დეპუტატმა და ყოფილმა სპორტსმენმა ლუკა კურტანიძემ წამოიღო. გზაში ცეცხლს რამდენიმე სპორტსმენი გადაიბარებს.
საზეიმო ცერემონიალი ლოკომოტივის სტადიონზე ამ წუთებში მიმდინარეობს.
ლოკომოტივის სტადიონზე მსოფლიოში ცნობილი ქართველი მოცეკვავე ირმა ნიორაძე ცეკვავს.
სტადიონზე იმყოფებიან საზოგადოებისთვის ცნობილი სახეები, მთავრობის წევრები, პოლიტიკოსები, მოწვეული სტუმრები და ოლიმპიური კომიტეტის წარმომადგენლები.თბილისში ახალგაზრდული ოლიმპიადის გასაშუქებლად სხვადასხვა ქვეყნიდან 400-მდე მედიასაშუალების წარმომადგენელი ჩამოვიდა.
