რამდენიმე წუთის წინ ზოოპარკის დირექტორმა თბილისის პროკურატურის შენობა ადვოკატთან ერთად დატოვა. ზურაბ გურიელიძე ამბობს, რომ დაკითხვის პროცესი მშვიდ ვითარებაში მიმდინარეობდა.
როგორც მისი ადვოკატი აცხადებს, გურიელიძე მოწმის სტატუსით დაიკითხა და მის ჩვენებაში წერია, რომ დღეს დილით ზურაბ გურიელიძემ შს სამინისტროს მიაწოდა დამატებითი ინფორმაცია, რომ ზოოპარკი ვერ პოულობდა კიდევ ერთ ვეფხვს.
რაც შეეხება ზოოპარკის დირექტორის განცხადებას, გურიელიძე ამბობს, რომ ის 9 საათზე პრემიერ-მინისტრ ირაკლი ღარიბაშვილს შეხვდება. გურიელიძე არ გამორიცხავს, რომ ის პროკურატურაში კვლავ დაიბარონ.
