ბაგა-ბაღებში ბავშვთა რეგისტრაციის პროცესთან დაკვშირებით შექმნილ პრობლემებს თბილისის მერი დავით ნარმანია ეხმაურება.
“პრობლემას მხოლოდ და მხოლოდ ის წარმოადგენს, რომ მოთხოვნა იმაზე მეტია ვიდრე ადგილი არის საბავშვო ბაღებში. ჩვენ 3 ათასზე მეტი ადგილი საბავშვო ბაღებში უკვე გავაჩინეთ. ეს არის დამატებით გარემონტებული ფართები, ასევე დაბრუნებული საბავშვო ბაღების შენობები. ეტაპობრივად ამ პრობლემას მოვაგვარებთ. თუ ვინმეს რამე პრობლემა შეექმნა, სააგენტოში მივიდნენ,” – აცხადებს თბილისის მერი დავით ნარმანია.