დავით გამყრელიძე გავრცელებულ ინფორმაციას მის პოლიტიკაში დაბრუნებასთან დაკავშირებით არ ადასტურებს და მეტიც, როგორც თავად აცხადებს, ამის სურვილიც არ აქვს არც მომავალში.
„არც ვაპირებ და არასწორი ინფორმაცია გავრცელდა, მე არ ვიცი, საიდან მოიტანეს, არანაირად არ შემიცვლია გეგმები ჩემი პოლიტიკიდან წასვლსთან დაკავშირებით და არ ვაპირებ დაბრუნებას. არ ვიცი, საიდან გავრცელდა, ჩემთვისაც სრული მოულოდნელობა იყო, იმიტომ რომ არანაირი მიზეზი მე ამის არ მიმიცია და არანაირი სურვილი არა მაქვს, დავბრუნდე იქ, საიდანაც წამოვედი. მე პოლიტიკურ კომენტარებს აღარ ვაკეთებ დიდი ხანია, რაც წამოვედი პოლიტიკიდან”, – განაცხადა დავით გამყრელიძემ.