ფიზიკური და სიტყვიერი დაპირისპირება მოხდა გურჯაანში. ერთმანეთს ნაციონალური მოძრაობის და ქართული ოცნების წარმომადგენლები დაუპირისპირდნენ.
გამგეობის შენობაში დაპირისპირება მაშინ დაიწყო, რაც ადგილზე ნაციონალური მოძრაობის წარმომადგენლები მივიდნენ. მათ გამგეობის შენობაში მიიტანეს საგანგებოდ დაბეჭდილი გაზეთები, სადაც საუბარია გამგეობაში არსებული ნეპოტიზმის ფაქტებზე.
როგორც გურჯაანიდან “კურიერი”-ს კორესპონდენტი იტყობინება, ადგილი ჰქონდა სიტყვიერ და ფიზიკურ დაპირისპირებას. დაპირისპირების დაწყებისთანავე ისროლეს კვერცხებიც, რომელიც მოხვდა ოპოზიციის ერთ-ერთი წარმომადგენლის ოთხი წლის შვილს. მას შენობა უკვე დაატოვებინეს.