სასჯელაღსრულების მინისტრმა გლდანის მე-8-ე დაწესებულებაში პატიმრის ცემის ფაქტი არ დაადასტურა.
თავდაპირველად გიორგი მღებრიშვილმა ჟურნალისტის მიერ დასმულ შეკითხვაზე კომენტარის გაკეთება არ ისურვა. თუმცა, შემდეგ განმარტა, რომ ეს პატიმარი მცირეწლოვანი ბავშვის გაუპატიურებისთვის იხდის სასჯელს.
“რას ჰქვია უფროსმა სცემა? ვინ გითხრათ? როგორ შეიძლება მინისტრმა თითოეულ პატიმარზე აკეთოს კომენტარი? ამ ფაქტს კატეგორიულად არ ვადასტურებ. მისგან ამოღებულია აკრძალული ნივთები. ნაცემი არ არის. პატიმარი სასჯელს იხდის მცირეწლოვანი ბავშვის გაუპატიურებისთვის,” – განაცხადა გიორგი მღებრიშვილმა.