გერმანული მედიის ცნობით, კიოლნის საბავშვო კლინიკაში ჩატარებული 5 საათიანი წარმატებული ოპერაციის შედეგად, პირველი ქართველი სიამის ტყუპები თამარ და თებდოლე ვაშაყმაძეები წარმატებით განაცალკავეს…
კიოლნის კლინიკის ქირურგიული განყოფილების მთავარი ექიმის ტომას ბემერსის განცხადებით, ოპერაციამ წარმატებით ჩაიარა და ტყუპები აბსოლიტურად ჯანმრთელად და ნორმალურად გააგრძელებენ ცხოვრებას. მისივე განცხადებით, ოპერაცია არ ყოფილა ადვილი, რამეთუ მუცლითა და მკერდით შეზრდილ სიამის ტყუპებს საერთო ღვიძლი ჰქონდათ და ოპერაციის ჩასატარებლად, მნიშვნელოვანი იყო მათთვის აბსოლიტურად ერთდროულად და ზუსტად შეეყვანათ ნარკოზი, რაც ექიმებმა წარმატებით შესძლეს.
აღსანიშნავია, რომ გერმანიაში ჩატარებული ოპერაცია 81.000 ევრო დაჯდა, რაც ტყუპების ოჯახმა საზოგადოებრივი ქველმოქმედების შედეგად შეაგროვა.
www.timer.ge
