გაზეთ ”ქრონიკა პლუსის” მიერ მოპოვებულ სკანდალურ ჩანაწერებში ირაკლი ოქრუაშვილი ვალერი ხაბურძანიას ბიზნესმენ ვანო ჩხარტიშვილზე ესაუბრება და ამბობს, რომ ჩხარტიშვილი მასთან უნდა ჩავიდეს, სავარაუდოდ, მოსკოვში.
ფარული სატელეფონო ჩანაწერიდან ირკვევა, რომ ვანო ჩხარტიშვილისა და ირაკლი ოქრუაშვილის საუბარი არჩევნებსა და „ახალი მემარჯვენეების“ კოალიციაში შესაძლო გაერთიანებაზე უნდა წარმართულიყო.
სკანდალური მასალა, სავარაუდოდ, მოსკოვში 2011 წლის შემოდგომაზეა ჩაწერილი, მას შემდეგ, რაც ბიძინა ივანიშვილმა პოლიტიკაში შემოსვლის შესახებ გააკეთა განცხადება.
