საქართველოში, დედაშვილობა–მამაშვილობის გრძნობაა პოლიტიკური პროცესების წარმართველი ძალა და არა პოლიტიკური პარტიები. დიახ, საკუთარი სიცოცხლის ფასად, შვილმოკლულებმა ირინა ენუქიძემ და იური ვაზაგაშვილმა, სააკაშვილის დამნაშავე რეჟიმის დამარცხებაში ლომის წილი შეიტანეს! საქართველოში მოქმედ პოლიტიკურ პარტიებს ყველას ერთად აღებულს, არ გაუღიათ იმდენი ძალა და ენერგია ამ ბრძოლაში, რამდენიც ქ–მა ირინამ და ბ–მა იურიმ, მათ თავი შეწირეს! სამწუხაროდ, მუდამ ასე იყო ჩვენში, თავდადებული გმირების ხარჯზე დანარჩენები “ფონს გადიოდნენ”. ახლაც ამის მცდელობაა, რომ იური ვაზაგაშვილის მკვლელობა, ერთი მინისტრის საზოგადოებისათვის “გადმოგდების” გზით (ჭიკაიძის მინისტრობიდან გათავისუფლება), როგორმე “გადააგორონ”, რომელიც არ მოხდებოდა, რომ დროულად გამოეძიებინათ იური ვაზაგაშვილის შვილის მკვლელობის საქმე. ახლა კი, ეგ თქვენი ჭიკაიძე, – “გინდ შეიტანეთ და გინდა გამოიტანეთ”, – დაუსჯელმა მკვლელებმა, მამა შვილის საფლავზე მოკლეს!! ამიტომ, მალე, როცა ხალხის მოთხოვნით ვადამდელი საპარლამენტო არჩევნები გაიმართება და სხვადასხვა პარტიების წარმომადგენლები პარლამენტის და მთავრობის წევრები გახდებიან, მათ უნდა ახსოვდეთ, თუ ვისი თავგანწირული ბრძოლის წყალობით მოხვდნენ ხელისუფლებაში!!!
