აშშ-ს იუსტიციის სამინისტრომ Deutsche Bank-ის რუსეთის ფილიალის მიერ ფულის გათეთრების გამოძიება დაიწყო. ამერიკული იუსტიციის სამინისტროს პირველ ყოვლისა “სარკისებური შეთანხმებები” აინტერესებს, რომლის მიხედვითაც რუს კლიენტებს ქვეყნიდან თანხის გატანა ხელისუფლებასთან შეთანხმების გარეშე შეეძლოთ.
ამერიკის იუსტიციის სამინისტროს ასევე აინტერესებს რუსი კლიენტების მხრიდან ადგილი ხომ არ ჰქონდა რუბლის დოლარზე უკანონოდ გაცვლის შემთხვევებს და ამით ხომ არ ირღვეოდა რუსეთის წქინააღმდეგ არსებული სანქციები.
Deutsche Bank-ის ხელმძღვანელობამ აღნიშნულ საკითხთან დაკავშირებით კომენტარის გაკეთებაზე უარი განაცხადა.
ბანის მიმართ პირველი ბრალდება 2015 წლის მაისში გაისმა. მაშინ გერმანიის უმსხვილესმა საფინანსო-საკრედიტო ინსტიტუტმა მოსკოვის ოფისის თანამშრომლები იძულებით შვებულებაში გაუშვა და მომხდარის შესახებ გერმანიის ფედერალური უწყება ჩააყენა საქმის კურსში.
