ე.წ. აფხაზეთის საპარლამენტო საერთაშორისო კომიტეტმა აფხაზეთსა და რუსეთს შორის ხელშეკრულების რატიფიცირების შესაძლებლობები განიხილა.
აფხაზეთის დე-ფაქტო პრეზიდენტის პარლამენტში სრულუფლებიანი წარმომადგენელის დიმტრი შამბას თქმით, დოკუმენტი 2009 წლიდან მუშავდება. 2015 წლის 28 მაისს, პეტერბურგის მეხუთე საერთაშორისო იურიდიული ფორუმის ფარგლებში კი დუკუმენტს ხელი მოეწერა.
დოკუმენტების მიზანია “სოციალური რეაბილიტაციის პროცესის გაადვილება თავისუფლება აღკვეთილებისათვის, სასჯელის იმ სახელმწიფოში მოხდის შესახებ, რომლის მოქალაქეებიც ისინი არიან”. დოკუმენტს ხელი რუსეთის ფედერაციის იუსტიციის მინისტრმა და აფხაზეთის მხრიდან დე-ფაქტო გენერალურმა პროკურორმა მოაწერეს.
