“არ იზრდება სესხები და დეპოზიტები, რაც მიანიშნებს, რომ ეკონომიკის ზრდასთან დაკავშირებით პრობლემებია”

ეროვნული ბანკის პრეზიდენტის გიორგი ქადაგიძის განცხადებით, წლიურად არ იზრდება არც სესხები და არც დეპოზიტები, რაც იმის ინდიკატორია, რომ ეკონომიკის ზრდის ტემპტთან დაკავშირებით პრობლემებია.

ქადაგიძის თქმით, დღეისთვის, ყველაზე მნიშვნელოვანია, რომ მოხდეს მოლოდინების მართვა, რაც განუყოფელი ნაწილია ეკონომიკური პოლიტიკის.

“წლიურად თუ შევხედავთ არ იზრდება არც სესხები და არც დეპოზიტები, რა თქმა უნდა, ეს არის იმის ინდიკატორი, რომ ჩვენი ეკონომიკის ზრდის ტემპტთან დაკავშირებით არის პრობლემები და საჭიროა მათზე რეაგირება. ყველაზე მნიშვნელოვანი დღეს არის, იმ უარყოფითი მოლოდინების გაქარწყლება და ზოგადად მოლოდინების მართვა ეკონომიკური აქტორების მხრიდან, საუბარია იმაზე, რომ მოლოდინები არის განუყოფელი ნაწილი ეკონომიკური პოლიტიკის, სამწუხაროდ აქ გვაქვს ყველაზე სუსტი პოზიცია”, – განაცხადა ქადაგიძემ.